客話識聽無識講

山歌從小倒是會唱幾首

PO一段來分享~~

男：一見妹子笑連連，仰般兩人恁有緣。
　　先日（吾乜）兩人無約束，今日做堆來作伴。
女：一想阿哥真有情，山頭路遠妹來尋。
　　雖然無錢（阿哥係）人意好，無錢無銀也甘心。
男：二見妹子好人才，未得阿妹兼身& lt;註& gt;來。
　　阿哥假做裝蝦公，阿妹洗衫好講話。
女：二想阿哥笑連連，阿哥來到妹門前。
　　看哥實在真情意，老妹心中喜連天。
男：二見妹子好人才，未得阿妹兼身來。
　　阿哥（吾就）假做裝蝦公，阿妹洗衫好講話。
女：二想阿哥笑連連，阿哥來到妹門前。
　　看哥實在真情意，老妹心中喜連天。
男：三見妹子笑容容，阿妹面唇一點紅。
　　阿妹（汝就）可比長江水，無想路上會相逢。
女：三想阿哥笑咪咪，老妹看到心歡喜。
　　兩人真像斷了線，仰得兩人結連理？
男：四見妹子笑咪咪，看汝真像紅金鯉。
　　鯉魚（佢就）毋食藥樣水，別人恁愛也閒時。
女：四想阿哥真有緣，妹子看到笑連連。
　　阿妹（吾就）心肝暗暗想，兩人何時結姻緣？
男：五想妹子白呵呵，可比月裡介嫦娥。
　　天上到來還得見，地下（汝係）愛尋尋也無。
女：五想阿哥帶得往，緊想阿哥緊痛腸。
　　心中想愛尋哥溜，兩人毋得來商量。
男：六想妹子笑洋洋，妹子性情真優良。
　　這個妹子（係來）討得到，一生（吾就）富貴壽年長。
女：六想阿哥真有緣，山頭路遠哥來纏。
　　若係真心對妹好，風流死忒心也甘。
男：七想妹子（生到）好風流，一身生來冷颼颼。
　　總愛阿妹（汝就來）真心好，這條人情難得丟。
女：七想阿哥真有情，阿哥講到恁真心。
　　實言實語對哥講，萬古千秋莫變心。