耶穌給這個教律法的先生講：你著盡心、盡性、盡意疼主
─
你的上帝。此個誡是大的，也是頭一個。第二個也相親像，是講，你著疼厝邊親像家己。此二條誡是全律法及先知的總根頭。上帝透過多多先知，將祂的旨意向人啟示讓人明白，聖經裡面有多多律法，咱愛會記得，上帝給咱這呢多的律法是因為祂疼咱，要咱所行和咱的身份相匹配，咱的身份是什麼？咱是上帝所創造、有上帝榮光形像的人，咱又是上帝的獨生子、耶穌基督用祂的寶血救贖的人，所以咱應該照上帝的旨意來行。律法中多多規定，這些規定最主要的出發點是疼上帝和疼人，咱今仔日要來講疼人的部份，就是聖經所說：疼厝邊親像家己。

耶穌講：此二條誡是全律法及先知的總根頭，咱頂一遍有講十條誡裡面的前四條是和疼上帝有關係的，後面六條是和疼人有關係，包括：要孝敬你的父母、呣通害死人、呣通行姦淫、呣通偷提、呣通做假干證害你的厝邊、不通貪心。其中「要有孝你的父母」就是疼你的父母，這部份真明顯，只是其他的攏是不通、不通、不通，這些真正攏是律法的規定，疼人和律法有什麼關係呢？為何耶穌會講：這二條誡是全律法及先知的總根頭呢？

佇聖經內面保羅有講：莫得欠人什麼，只有相疼猶是欠人；因為疼人的，有盡律法。因為所講，呣通行淫，呣通殺人、呣通偷提、呣通貪心、抑是別條誡，攏包含佇此句，著疼厝邊親像家己。仁愛無害著厝邊；所以仁愛是盡律法。(羅馬人書13:8-10)仁愛是無害著厝邊，所以仁愛是盡律法，這是什麼意思，原來咱的律法就是規定咱不通去害別人，不管是殺人、行淫、偷提、做假的干證、抑是咱因為貪心愛要得到別人的什麼物件，攏會去害著別人，所以咱若隨時想著要關心別人，咱就不會去害別人，咱自然就會遵守律法，所以仁愛就盡律法，此二條誡命也就是全律法及先知的總根頭，因為上帝給咱的律法就是要咱疼上帝和疼人，咱要遵守上帝的律法的人，一定要會曉得來疼人，因為咱若無疼人的心，只是強調律法的時，就會親像法利賽人常常被耶穌罵，嘛會親像今仔日的經文所記載的教法師，成做想要試耶穌的人，什麼代誌攏只是做佇外面給人看而已，咱所做的上帝一點都不會看重。

咱要怎樣來相疼呢？我提出下面三點和咱大家相勉勵。

1. 盡自己的本份

   
   

   有時會聽到心理學家或輔導的專家給咱講：要會曉疼家己，若不會曉疼家己，就不會曉疼別人，只是我看聖經內面從來不曾強調人必須愛疼家己，聖經內面顛倒叫咱必須要「看無家己」，華語叫做「要捨己」，耶穌給伊的學生講：「人若愛隨我，著看無家己，夯伊的十字架來隨我。」(太16:24)，保羅也有講：「做丈夫的，恁著疼婦仁人，親像基督疼教會，也替伊獻家己」(弗5:25)，有時為了疼別人，咱會暫時放下家己的需要，為了對方的緣故。

   
   

   只是我相信聖經並不是叫咱不要疼家己，以聖經的看法來講，人攏自然會看重家己，保羅曾講：「因為未曾有人怨恨家己的身軀，就是養飼伊保惜伊，親像基督的款待教會。」(弗5:29)我常常感覺現代的人對身體健康實在非常的重視，隨時攏在注意要吃什麼、穿什麼，來給身體卡健康。

   
   

   其實這種注意家己健康的代誌麻是真重要，因為咱的身體若是打歹，就會成做別人的負擔。咱的親人、朋友會真替咱煩惱，所以注意家己的健康嘛是咱家己的責任，特別是老大人更加要注意家己的健康，恁的健康是兒子小輩的福氣。

   
   

   咱家己的責任不單單是注意健康，咱嘛需要在工作、靈性各方面進步，保羅曾勸一些人說：「寧可著磨，親手做好的工，才有通分互欠缺的人。」(弗4:28)，「也著對重恬靜，來做家己的事，親手做恁的工，照阮所曾吩咐恁的，互恁向外面人端正來行，也家己無所欠缺。」(帖前4:11-12)咱認真打拼工作，讓家己無所欠缺，這是咱的責任，盡到咱的責任才有通分互欠缺的人，這就是彼此相疼的表現。

   
   

   以我家己做例，我這兩禮拜要講道，就發現真歹準備，兩次攏是要真慢才將講道的資料給司會的兄弟姐妹，實在是真歹勢。這就是因為我無盡到我家己的本份、無早早準備好，所以就可能造成其他司會和司琴的人更加重的負擔。我也發現，做牧師和傳道真正是無簡單，我只是講道兩擺就感覺真大的重擔，但是做牧師和傳道的，可能逐禮拜攏需要講道，壓力更加是大。所以咱真正應該常常關心牧師和傳道才對。

   
   

   另外一個嘛是我家己的例，其實這禮拜我逐天攏在學校留到晚時九點多才回家，因為阮需要提一個計劃，明天(12/31)晚上六點以前必須要送出去，所以這禮拜我逐天攏留到九點才回家，我的女兒在日記裡面就講：爸爸為什麼逐天攏這麼晚才回來？她真無聊。我在想：這嘛是我無盡好家己的本份，我若是提早準備、提早將計劃送出去，就不會發生這種代誌，就不會將照顧女兒的責任攏交給我的太太。in因為疼我的緣故，體貼我的困難，所以無發怨言，但是我卻不能將這種情形當做正常，求上帝幫助我，讓我在工作上更加盡家己的本份，加班的情形會當減少。

   
   

   不單單是工作，更加重要的是咱對上帝的認識以及咱和上帝的關係，咱要鼓勵別人要疼上帝、要來相信上帝，咱家己若無認識上帝、無和上帝有好的關係，咱就無法度幫助別人來信上帝，無法度鼓勵兄弟姐妹來跟隨主、服事上帝。為著疼人的緣故，咱需要盡咱家己的責任，在逐方面更加進步。

   
   

   特別要和少年朋友分享，在咱成長的過程中，其實父母攏真關心咱，雖然有時會感覺他們真囉唆，但是其實他們的囉唆實在是包含真大的疼心，咱成長的過程要學習成熟，重要的是要知道什麼是對、什麼是好、什麼重要，會曉做正確的選擇，這樣父母才會當信任咱，才不會常常為咱擔心，這樣就是孝順父母。

   
   

    

   
   

2. 在別人的需要上看到自己的責任

   
   

   這是天主教的德蕾莎修女所講的一句話，她看著窮赤人的需要，她一生為著那些「窮人中的窮人」服務，在1979年得著諾貝爾和平獎，她講：疼就是在別人的需要看著咱家己的責任。疼不是單單嘴裡面講講的而已，而是要知道咱的責任是什麼。

   
   

   耶穌在聖誕節的時降生，他是上帝的獨生子，他是榮耀的主卻為了咱人生在窮人的厝內，因為他成做人的款，了解咱的軟弱和需要，並且為了咱的罪來釘佇十字架頂，讓咱會得因為相信他所做的，來得著救恩。這就是最大的疼。

   
   

   聖經裡面的保羅，上帝差遣他去傳福音給外邦的人聽，他就打拼去傳，他向猶太人就親像猶太人、向有律法的人就親像有律法的人，向無律法的人就親像無律法的人，向軟弱的人就成做軟弱的人。他講：向逐號人，我就成做逐號款，一概是欲救人。逐項事，我因為福音來行，是互我通相及有份佇福音。(林前9:22~23)保羅打拼傳福音，他嘛是看著別人的需要，因為無信耶穌的人，in尚大的需要就是信耶穌來得著救恩，因此保羅拼命來傳福音，無論向什麼款的人，他就和他們認同，為著要幫助in來信耶穌。

   
   

   我常常在想，其實咱有機會信主，需要感謝真多人，感謝外國的宣教師，in將家己的一生送給臺灣，為著臺灣人會通來信主，他在打拼傳福音，咱的祖先、前輩才有機會認識上帝。他們認識上帝，並且熱心服事上帝，他們將福音繼續傳給厝邊，因為他們疼厝邊親像家己，所以知道信耶穌非常非常的重要，因為耶穌會成做咱隨時的幫助，咱的一生也因為信耶穌才有真正的價值，所以他們願意打拼將福音傳給咱，咱才有機會來信耶穌。恁若是自小漢就來教會的話，恁還需要感謝恁的父母，因為他幫助恁從小漢就認識上帝，盼望恁因為認識上帝來得著智慧，知道跟隨耶穌、服事上帝是咱一生最重要的代誌。

   
   

   咱看著未信主的人，要想著咱有責任要幫助他們信主，要常常為他們來祈禱，懇求上帝幫助他們，讓他們了解上帝的救恩有多重要，並且是咱願意相信的時就可以得著的。咱對需要關懷的人，咱也有責任要來關心in的需要，懇求上帝幫助咱有疼心去了解別人的需要，並且看到咱自己的責任。

   
   
   

3. 講造就人的好話

   
   

   咱要疼別人親像家己，很重要的一部份是講話，我講的話是不是會當來造就別人，抑是造成別人的傷害。保羅勸以弗所教會的人說：「恁的嘴攏呣通講出垃墋的話，獨獨著講好話，照及時的欠缺來造就伊，互聽的人得著恩典。」(弗4:29)

   
   

   這一部份可能要特別給咱做父母的人勉勵，咱攏真關心咱的兒子女兒，咱嘛常常會用嘴來關心in，有時咱真正要家己注意，咱所講出關心的話，對in是幫助抑是傷害。咱有時驚囝仔不懂代誌，看in做不對代誌的時就嚴嚴提醒in，其實就是在罵in，這樣囝仔是會愈來愈懂代誌、抑是愈來愈沒信心呢？除了in做錯代誌的提醒以外，平常時真正是要常常用行動、用真心的話來鼓勵in，讓in知道in是上帝所寶貝的，嘛是咱的寶貝。

   
   
   

   我以前曾在教會裡面聽著有的人會說：要說正面積極的話，不通常常說：「無法度啊！」要有信心，要仰望上帝。嗯、在一方面來說，這是無不對，咱要記得上帝和咱同在，上帝在掌權，所以咱不免害怕，不通失志。只是另外一方面，咱嘛不通認為所有檢討的意見攏是消極和沒信心的話，有時是兄弟姐妹盼望咱的所做更加得到上帝的悅納，所以才提出檢討的意見，不一定是來找麻煩的。

   
   
   

   有時我會和正在談戀愛的兄弟兄姊半開玩笑的話：恁曾吵架抑無？若不曾就還不能結婚，至少要吵架(怨家)三次才能結婚。我的想法是：人在一起久之後，一定會遇到意見不同款的時陣，你要知道對方是怎樣處理意見不合的情形，知道對方生氣的時是什麼款，他怎樣處理他的生氣，而且更加要觀察，吵架之後，您二人的關係是愈來愈好、抑是愈來愈差。要記得結婚之後，意見不同款的情形真多，除非您的關係佇不同款的意見時，會有好的討論，了後您的關係會更加好，若無結婚了後就愈來愈慘。

   
   

   兄弟姐妹的關係也是按妮，當咱在同一個教會聚會愈來愈久後，嘛會遇到多多意見不同款的情形，這個時陣，咱要怎樣處理？這個時候咱要想清楚：咱不同款意見的代誌是不是和真理有關係？若和聖經的教示有直接關係，就盡量照聖經所教示來行。咱若看見兄弟姐妹所做所行不合佇真理的時，要怎樣處理？這時咱就愛用保羅所講的：「tiam佇仁愛說話真實(用愛心說真理)」(弗4:15)，用真理來勸對方悔改，而且要用疼心。咱若有疼心，看見別人做不著代誌，咱不會在後面四界給別人說，咱想看麥：這個所行不合佇真理的人若是我的兄弟或是我的女兒的時，我會按那艱苦，我想我會私底下去給他說，勸他要改正他的錯誤，他若反悔，聖經說：咱就得著咱的兄弟，對方若不聽，咱再導兩、三個見證者一起去勸他，若擱不聽，才在教會裡面公開，請教會出面去給對方說，若不聽教會就看他親像無信的人同款。重要的是佇這個過程中，咱真正要常常提醒家己，咱要憑疼心來做，咱是希望對方成做更加好的兄弟姐妹，希望對方更加得著上帝的悅納才來勸對方，並不是要批評伊。

   
   

   我舉一個例來說：若有人偷拿別人的物件的時，咱一定感覺這是不對的代誌，但是若有人用盜版的軟體，咱就沒什麼感覺，親像這真正常，但是這其實嘛是侵犯別人的智慧財產權。若有人叫我拿沒授權的軟體拿來灌、我是不是要做呢？這幾年我來我儘量攏拒絕，因為不希望家己佇這種代誌有份。恁會想用：無用盜版的電腦軟體，要買這些軟體要花多少錢啊！？其實我家己無用盜版的軟體、但是麻無花什麼錢去買軟體，因為這個時代有多多免錢、品質又好的軟體可以使用，只是我必須要改變一些使用的習慣而已，我常常給朋友、學生講：趁早習慣用免錢的軟體，對恁未來一輩子有很多的好處。

   
   

   若是咱意見不同款的代誌和真理無什麼直接的關係，親像咱要裝這個單槍投影機，要裝抑不裝？要按怎裝？要請什麼人來裝？這種代誌和聖經的真理卡無直接的關係，但是可能大家會有不同款的考慮重點，這個時候需要互相尊重、更卡多的討論，也懇求上帝幫助咱，讓我做出最好的決定，也是大家可以接受的。

   
   

   保羅曾給以弗所教會的長老講他和in佇在的時怎樣服事、經歷多多的試煉，並且他講：「凡有利益的，我未曾(be-bat)勼狹(kiu-koeh)無給恁講，來教示恁，無論佇眾人的面前，抑是佇諸個人家。」(徒20:20)我常常想著保羅所講的這句話，凡對恁有利益的，我未曾無給恁講，盼望咱兄弟姐妹中間的關係也是這樣，對恁有利益的，咱會當憑著疼心來和對方講。

   
   

「恁著相疼」，這是耶穌給他的學生的命令，耶穌也給他的學生說：您若相疼，眾人欲對按呢知恁是我的學生。(約13:35)別人要怎樣看出咱是基督徒呢？就是看咱有相疼抑無，咱若無相疼的態度和行為，真正是會給人懷疑，這些人豈真正是基督徒嗎？

除了因為這是耶穌的命令以外，我相信相疼麻是人的需要，一個無活佇疼裡面的人實在是真痛苦。有時我會感覺對政治真失望，我愈來愈感覺政治裡面攏無看著疼心，大家隨時互相批評、罵來罵去，實在是愈看愈厭倦。我相信世間人心裡攏在尋一個真心相疼的團體，咱若真正是一個相疼的教會，當人進來教會感受到咱真心的關懷時，in就會盼望留在咱教會裡面，參與在教會的代誌，咱就有機會幫助他愈來愈認識上帝。

盼望咱教會成做一個相疼的教會，咱鬥陣來祈禱。