兄弟姊妹平安，上個月我看到傳道排十二月份的講道，發現我有排兩次，當時我以為傳道是暫時將我的名寫佇上面，等有適合的講員時再換，後來才知道真正我需要講兩次，這擺我就真緊張，因為我一時不知要講什麼，感謝主，上帝讓我想著傳道前一陣子曾經用十個禮拜來講十條誡，我想著新約聖經裡面，有人問耶穌最大的誡命是什麼，耶穌應伊說：第一要緊的是說，主咱的上帝是獨一的主，你著盡心、盡性、盡意、盡力疼主，就是你的上帝。第二的說：著疼你的厝邊親像家己。無比這兩條誡命閣卡大的啦！感謝這位問問題的經學士，上帝給人的誡命實在真多，咱必須重視最重要的誡命才行，不管這位經學士是好心抑是歹心，他問這個重要問題，耶穌回答他的問題時，讓咱後來的人知道，什麼是最重要的誡命。

有人整理十條誡命，發現前四條誡攏是和疼主你的上帝有關係(包括：我以外、恁不通有別個上帝，不通為家己雕刻偶像，不通濫糝稱耶和華你的上帝的名，著記得安息日、守伊做聖)，後面六條誡是及疼厝邊親像家己有關係(包括：著孝敬你的父母，呣通害死人，呣通行姦淫，呣通偷拿，呣通做假干證，呣通貪心)，舊約裡面最重要的十條誡攏包括在這兩條誡命裡面。

而且我認為更加重要的是：疼上帝和疼人是這些誡命的基本精神，也就是說，咱為什麼要守上帝的誡命呢？因為咱疼上帝和疼人，咱若沒存對上帝和對人的疼，只是強調必須要遵守誡命的時陣，這就會親像新約裡面的法利賽人一樣。

有時我在想，咱的小朋友什麼時候會被大人罵？大人會怎樣來罵小朋友？我發現咱常常罵小朋友：不禮貌，因為他們有時坐不住、愛講話、嘸專心。只是我發現聖經裡面從來不曾罵人：不禮貌，還有很多比禮貌閣卡重要的代誌。耶穌在世間的時陣有一款人被耶穌罵尚多，耶穌常常說一句話：恁假好的經學士和法利賽人有災禍啦！這些經學士和法利賽人攏是認真讀摩西的律法，並且努力遵趁的人，而且他們為著律法真熱心，他們不只家己要遵趁律法，並且隨時注意別人是不是有遵守律法。這款人和咱這個時陣的什麼款人和同款？是不是和牧師、長老卡親像，哇！咱真正要注意，是不是耶穌所在罵的就是在罵我？為什麼這些經學士和法利賽人會被耶穌罵假好呢？因為他們只是強調要遵守律法，卻將背後的精神丟掉，就是將對上帝的疼、以及對人的疼攏丟掉。

親像耶穌常常在安息日醫治人的病，法利賽人看見就凍不住說：「有六日通做工、安息日卻不通做工」。他們只有看見「著守安息日」的律法，卻不記得上帝賜福給安息日是要讓人在這日得著安息，他們卻將多多的規定加在安息日，讓人的重擔閣卡重。耶穌曾問當時的人說：「佇安息日行好事行歹事，救性命害性命，叨落一項卡合宜啊？」咱著要常常提醒家己，當咱強調遵守上帝的律法的時，咱是不是有對上帝的疼來相配合？

今仔日我先和大家來討論頭一條最大的誡命，就是盡心、盡性、盡意、盡力疼主你的上帝，平常時講到疼的時，很少會加上盡心、盡性、盡意、盡力這些加強口氣的形容，這就是愛咱全心全意來疼上帝，有時未信主的人會問咱，單單疼上帝就好，攏不免做工嗎？哈哈，當然嘛愛做工，只是對咱來講，做工的時陣，咱嘛是要疼上帝，感謝上帝，因為祂賞賜咱有做工的氣力、有聰明智慧知道做工的方法。咱今仔日先來討論，咱要怎樣疼上帝。

首先，咱對上帝的疼是表現佇咱的敬拜。禮拜日咱沒去做工、沒去田裡，來到禮拜堂和其他的兄弟姊妹做夥敬拜上帝，這是咱疼上帝的表現，親像耶穌復活了後問西門彼得說：「你疼我卡贏這些嗎？」咱對上帝的疼有贏過厝內的電視節目、電影、抑是電動抑沒？若有咱就會選擇分別一段時間出來敬拜上帝。咱更加著愛提醒家己，來教會做禮拜不是生活習慣而已，是因為咱來找這位疼咱的上帝，盼望和咱的兄弟姊妹做陣來敬拜祂。來敬拜上帝的時，咱期待今仔日會當面遇著上帝，會聽著上帝對咱說話，咱欣慕、盼望會照上帝的話來行。

咱敬拜的時陣唱詩歌來讚美上帝，要記得咱要盡心、盡性、盡意、盡力來疼上帝，唱詩歌的時陣，咱就應該全心來唱、歡喜快樂來唱，因為上帝將耶穌基督所成的救恩算佇咱的身上，咱歡喜快樂來接受上帝給咱的救恩，嘛因為咱所敬拜的是一位至高、至聖的上帝，所以咱著歡喜、快樂來唱。親像很多少年朋友有時要去參加他們所甲意的歌星的演唱會時，他們甘願去排隊三日三暝來買票，等買到票了後，歌星在唱歌時，他全心投入享受、並且和他們配合的情形，這是全心全意的投入。咱今仔日所敬拜的上帝比這些歌星不知高貴幾千萬倍，咱更加應該全心全意來讚美祂，將祂應該得著的榮耀來歸給祂。

咱的敬拜不是單單在禮拜堂而已，咱每一天在厝內攏需要來敬拜上帝，咱用祈禱來和上帝說話，也聽上帝和咱說話，咱讀聖經，咱感謝上帝，因為上帝賜福給咱，咱嘛用奉獻來表示對上帝的感謝，因為咱的一切攏是上帝所賞賜的，咱將上帝給咱的奉獻給上帝來感謝祂。有時我會用做父母的心來體會上帝對咱的關係，我的女兒細漢的時陣，她的真多物件攏是阮做父母的給她的，她若會曉將她的物件拿出來跟父母分享，父母會真正歡喜，不是因為她所提出的物件有多貴重，而是看見她有感恩的心，她會曉及別人分享她的物件，這種生命的成長常常會讓父母真歡喜，我相信上帝對咱的態度嘛是相親像，上帝不是看重咱奉獻多少，而是看重咱奉獻的心志。其實奉獻金錢並不是最重要的，親像耶穌曾罵法利賽人說：「恁將薄荷、八角和芹菜十份抽一份，若是律法的卡對重的，就是公義、憐憫和信實，恁就放棄」，「公義和疼上帝的事您就放無要緊」。對上帝來講，全世界攏是上帝的，上帝並不是欠用錢，但是上帝看重咱的心意，盼望咱因為體會祂對咱的疼，就會曉甘心樂意來奉獻。

說到奉獻，奉獻是咱疼上帝的表現，只是佇新約聖經裡面不曾對信徒要求要十分之一的奉獻，新約聖經裡面的要求是親像保羅佇哥林多後書所說的：「逐人照伊心內所有定著的，莫得煩惱，莫得勉強；因為歡喜提出的，上帝疼伊。」而且保羅佇羅馬人書裡面對兄弟姊妹的勸勉是：「兄弟啊，所以我因為上帝的憐憫勸恁獻家己的身軀做祭，是活的，聖的，上帝所歡喜的；這是恁神靈的服事。莫得及這世間像款；著用心志換新來變化家己，互恁能明白甚麼是上帝善良，通歡喜，純全的旨意。」保羅所說的是：獻咱的身軀做祭，將咱的生命全部獻給上帝，不單是我奉獻的金錢是上帝的，我沒奉獻的金錢，我的時間、知識、才華、攏是上帝給我的，我攏應該奉獻給上帝，攏應該照上帝的心意來使用，簡單說就是：咱應該為上帝來活。特別上帝看人不是親像咱人在看，咱攏是看外貌，上帝是看內心，咱攏是看重人奉獻多少，但是上帝是看人為家己留多少，親像路加福音所記載：「耶穌舉目看見諸個好額人將in所獻的hiat落庫房。閣看見一個喪鄉的守寡人將兩個半釐hiat落去。就講：「我真實給恁講，這個喪鄉的守寡人所hiat的比眾人所hiat的卡多。因為眾人是對in有剩的
hiat落去獻；若是這個婦仁人是對伊的無夠的一盡hiat伊所倚靠來活的。」耶穌說這個喪鄉的婦仁人所獻的比眾人卡多，因為耶穌知道她對上帝的疼，她將自己所有的全部獻給上帝，她倚靠上帝來活。

咱疼上帝第二方面的表現是咱聽趁上帝的話，因為耶穌曾對祂的學生說：「恁若疼我，就要守我的命令」。又說：「有我的命令閣守伊的人，此個就是疼我」。疼上帝並不是心裡的感覺，更加不是用嘴隨便說說就可以，而是要照上帝的命令去行。照聖經所說：聽趁上帝的話和疼上帝是像款的事，咱若說：我疼上帝，但是平常時我的行為卻無遵趁上帝的話，這樣就是白賊。我的女兒小漢的時陣，有時我會問她：妳有疼我嘸？她攏會應說：有。我就又問她：妳怎樣疼我？剛開始她不知要怎樣回答，我就教她說：聽爸爸的話，後來她就自己會曉說：聽爸爸的話。但是我會又問她：妳怎樣聽爸爸的話。因為聽話並不是用嘴說就準算，而是要有實際的表現。

在聖經裡面，上帝曾經對以色列人說：「恁舉起手，我要掩目睭呣看恁；恁多多祈禱，我也呣聽；恁的手滿滿殺人的血。恁著洗、來家己清氣；對我的目睭前除去恁所行的歹；息恁的做歹」。也就是上帝對以色列人說：恁的禮拜、恁的祈禱我攏無要聽，攏無要看恁。為什麼呢？因為以色列人犯罪，可能有的人會以為：我奉獻這麼多、多多祈禱、傳福音給很多人，這樣就可以來彌補我所犯的罪，我這麼熱心來為上帝做工，所以我犯罪的所在上帝攏會赦免我，上帝是這樣處理的嗎？要記得咱的上帝是公義、信實的上帝，聖經常常說：「耶和華無快受氣，閣有豐盛的慈愛、赦免罪過過失、決斷無掠有罪的做無罪」。上帝願意赦免咱的罪，但是咱需要向祂來認罪，並且要悔改，不是一方面熱心服事上帝，另外一方面繼續犯罪，若是這樣上帝一定無歡喜咱的服事。

有人舉一個例，有一位老媽媽，她真愛吃巧克力，她有一個兒子對她真好，逐次回來攏會買伊媽媽甲意的巧克力回來給她，逐次她攏會對別人讚美她的兒子真有心、真孝順。一直到有一次，有人給她說，她的兒子在外面是黑社會的老大，常常欺負人，賺真多錢，他買巧克力的錢攏是欺負人賺來的。這位老媽媽不相信，但是人提真多報紙的報導給她看，看到她無法度不相信。過了幾天，她的兒子回來，又拿她最甲意的巧克力來送她，這一次她心內非常的難苦，因為她知這是她的兒子在外面做歹賺來的錢，她將巧克力丟在地上。咱是不是也以為可以欺騙上帝，我若一面犯罪、一面服事，咱以為上帝會歡喜咱的服事嗎？這是不可能的代誌。

只有遵趁上帝的話的人，才會當算是疼上帝。但是咱有認識上帝的旨意抑無？咱有盼望要認識祂的旨意抑無？咱若無認識上帝的話就無法度遵趁上帝的旨意，聖經就是上帝的話，上帝將祂的旨意寫佇聖經裡面，咱著要常常來讀聖經，盼望對上帝的話有更卡多的認識。

咱若對上帝和上帝的話攏無認識，說咱有多疼上帝，恐怕也是隨便說說的而已。有人知識多、有人知識少，並不是知識多的人就卡疼上帝，最重要的是咱的心，咱是不是有心要更加認識上帝，若有，咱會找多多方法來認識祂的話，會祈禱上帝幫助咱，有機會更加認識祂。耶穌曾說：「求就給恁、找就遇著、拼門就甲恁開」。咱懇求上帝幫助，給咱更加認識祂、更加會知道要怎樣疼祂，上帝一定會幫助咱，給咱有好的智慧更加認識祂。

咱疼上帝的第三方面是表現佇咱對別人的疼，咱攏是上帝所創造的人，攏是上帝所疼的人，咱若無相疼上帝一定無歡喜。就親像一個人有好幾個兒女，他這些兒女若會曉互相關心和體諒，做父母的人一定真安慰，這些兒女若常常相爭、批評、怨妒，就算in攏對父母真好，做父母的人一定會真煩惱，而且嘛一定會感覺這些兒女攏真不孝，因為呣聽父母的話，父母一定會教in要相疼，但是他們不聽。上帝嘛給咱一條新的命令，就是「您著相疼」，耶穌佇約翰福音對他的學生說：「我用新的誡命給恁，就是恁著相疼；親像我曾疼恁，恁亦著按呢相疼。恁若相疼，眾人要對按呢知恁是我的學生。」耶穌叫咱著相疼，咱若有聽趁祂的話才是疼祂的人，為了疼上帝，咱必須愛成為相疼的人。

咱信耶穌的人著愛互相關心，咱的信仰並不是單單是咱和上帝的關係而已，不是只要我誠心誠意來信耶穌就好，上帝看重咱和別人的關係，耶穌曾對學生說：「所以，你若在(teh)獻你的禮物佇祭壇，也佇遐記得你的兄弟有甚麼脅嫌你；著佇遐放下你的禮物佇壇前，代先去及你的兄弟和好，然後來獻你的禮物。」咱若和別人怨家，上帝說：先去和人和好才來敬拜上帝，我相信這樣上帝才會悅納咱的敬拜。

上帝怎樣疼咱，咱也著怎樣來相疼，約翰曾說：「伊替咱獻伊的生命，咱對這個識仁愛；咱也應該替兄弟獻生命。人若有世間的財產，看見伊的兄弟欠缺，也無開伊的慈心，上帝的疼豈可有住(tiam)佇伊啊？」簡單說就是：無疼人的就是無疼上帝。有時咱會看一些人不順眼，有可能上帝故意將這些人和咱放在同一個教會裡面，讓咱感覺真不爽快，咱的偏見有可能會說：這款人豈算是基督徒嗎？這是因為上帝疼咱，為著要培養咱疼人的心，因為上帝曾說：「若是我給恁講，對敵恁的，著疼in；窘逐恁的，著替in祈禱；讓恁成做恁佇天裡的父的子；因為伊互伊的日起來照歹人及好人，亦用雨沃義及不義的人。」

懇求上帝幫助咱，更加體驗著上帝的疼，用上帝的疼來相疼，因為這是上帝所悅納的代誌。

前幾年，阮在員林的教會要找牧師，當時我就問兄弟姊妹：咱盼望要找什麼款的牧師？咱所看重的是什麼？後來我就向上帝懇求，懇求祂賞賜阮一位會當幫助阮更加認識聖經的話，常常會鼓勵兄弟姊妹更加疼上帝、更加願意跟隨上帝的牧者，這也是我對家己的祈禱，盼望咱會愈來愈認識上帝、愈來愈疼祂、全心來跟隨祂、服事祂。

咱逗陣來祈禱。