網路城邦
回本城市首頁 著色園地
市長:老仔仔~信手拈來  副市長:
加入本城市推薦本城市加入我的最愛訂閱最新文章
udn城市文學創作同人創作【著色園地】城市/討論區/
討論區不分版 字體:
上一個討論主題 回文章列表 下一個討論主題
三個嘴巴三樣話《春花望露——台語》
 瀏覽497|回應0推薦0

老仔仔~信手拈來
等級:8
留言加入好友

此屏春心召開,彼屏春花望露,若按呢大家想買爽歪歪否?就相招逗陣來去找粉味喔!贊。

淡水出名漁人碼頭看日頭斜西,續落會當迣去巷仔底找摸摸茶消遣,彼嘛是統人攏知的代誌…

「老同婿啊!誠久無看,近來發福蛤?規面看起來紅膏又擱赤熾。」

「受汝致蔭啦!講起來話頭長,毋過吾耳仔聽起來親像袂輸佇佮阮虧,嘛小拜託咧!左刳正削恁爸袂羨。喂!汝來寡久啊?」

「適才到爾爾,還未十分鐘哩!」

「汝叫叨一位水姑娘仔?」

「哈!還會當叫啥?就阿花妹仔一人柳!捧伊的場算來有幾若冬囉。」

「哇苦!,痴情男兒真正無藥醫,老相好咁袂生菇袂感覺甚忝?有人三不五時幼齒相替輪,趣味擱新鮮。」

「食到毋晟老歲仔人還遮豬哥是買死?人查某囝仔囡咁有可能愜意老番癲,鏘!鏘!鏘!汝知否?愛錢啦!」

「此句話蓋實在,咱平攏是老筋節,知影找趣味卡嬴透下底氣。」

 

                        

 

(坐枱當鬧熱,過程中老仔仔有意見:)

 

「幹!來遮毋是唱歌就是練痟話,若無便是吚喔唏唆互相食豆腐,卡摸嘛是奶。來來來…換一下ㄚ口味咧!咱學古早讀冊人來一段和詩對四句聯,由吾來先起頭…」:

 

想開查某,身份毋論

 

士農工商,有錢就拂

 

價數平民,祇要一千

 

時間有限,照號牌輪

 

「媠啊!老仔果然有肚才,續落換小弟來和一首。」:

 

若論修養,比汝卡爻

 

肏幹落譙,有喙會曉

 

毋管場所,呸面就撂

 

時間免睬,呼爽甲夠

 

「來!阿花仔換汝,講著啥咪高女畢業,今仔日順續佮汝考試,展查某人另外無仝款的氣質乎大家小看覓咧!」

「若按呢小女子毋驚大家見笑,漏氣就盡展囉!」:

 

查甫寡勇,袂堪軁鑽

 

哀爸叫母,有體無魂

 

才調擱拼,笑伊變龜

 

時間促短,前後一分

 

                        

 

(結數欲走時拵)

 

「年咧欲到矣,小費嘛加添淡薄,逐遍攏是一兩百。」

「恁爸近來氣口卡絚啦!阮牽吔錢項甲吾橐著著,年前會擱來送紅包,遮講好否?」

「凍酸仙!查甫人到死干焦存一支喙啦!支票撾咧烏白捽…」

回應 回應給此人 推薦文章 列印 加入我的文摘

引用
引用網址:http://city.udn.com/forum/trackback.jsp?no=67060&aid=5064721