網路城邦
回本城市首頁 腓立比
市長:司布林  副市長:
加入本城市推薦本城市加入我的最愛訂閱最新文章
udn城市人文藝術其他【腓立比】城市/討論區/
討論區靈修心得 字體:
上一個討論主題 回文章列表 下一個討論主題
有上帝同在的領導者
 瀏覽783|回應0推薦1

司布林
等級:8
留言加入好友
文章推薦人 (1)

Figs

有上帝同在的領導者
經文:創世記三十九章1~6


各位兄姊大家平安,感謝教會長老的邀請,嘛感謝上帝給我這個機會及大家分享上帝的話。曾經有長輩鼓勵阮,當有機會和人分享上帝的話時,就要把握機會,因此我不敢推辭,來和大家分享上帝的話。


無論在世界的歷史上、抑是聖經的歷史上,領導者攏非常重要,一個好的領導者能使(ho)國家有好的發展、給教會復興,今仔日我要及大家分享聖經裡面的一個人的故事,我認為他是一個真好的領導者,他的名叫作約瑟,他的老爸是雅各、阿公是以撒、阿祖是亞伯拉罕,在這一季主日學的課程中會講到約瑟的故事,今仔日咱作伙對(tui)約瑟來看領導者的特質。


領導者有時咱叫作頭人,講到頭人咱可能攏會想到:國家的總統、病院的院長、公司的董事長、學校的校長、教會的牧師,抑是親像一禮拜前選舉所選出的縣長、鄉長和民意代表咱所想的攏是真有身份地位的人。只是有身份、有地位的人不一定就是真正的領導者,因為有身份的人有可能講話沒人要聽。有人按呢(an-ni)講:「有人跟隨的、才是領導者」;嘛可以講「若有人跟隨就是領導者」。所以,就算是作shit人、清潔人員、警衛、抑是家庭主婦,他們(in)的領導能力有可能比有身份地位的人卡(kha),親像耶穌所講(kong):「愛做頭的,欲做恁的奴僕。」咱每一個人在家庭、工作、教會攏可以發揮咱的影響力,攏應該是一個好的領導者。一個領導者應該有什麼特質,這是今仔日要(tui)約瑟的身上來學習


在聖經創世記裡面介紹尚清楚的人就是約瑟,他對(tui)出世就得到老父的寵愛,老父曾(bat)作一領(nia)彩衣給他,因為老父對他的偏心,他的阿兄都真怨恨他。後來他又作兩個夢,他阿兄更加怨恨他,所以他的阿兄有一擺遇到機會就準備要將約瑟殺死、後來沒殺他,卻(soa)將約瑟賣到埃及。約瑟對(tui)細漢的生活都無煩無惱,這時卻(soa)尚親的阿兄將他賣作奴隸。也因為這種傷害及痛苦,給(ho)約瑟生命的品質顯明出來。他被(hong)賣給一個埃及人波提乏,後來當他作波提乏的總管,又被主人的某陷害,致到他被主人關落監獄。在監獄的時他替人解夢,後來他因為替法老解夢,法老請他作埃及的宰相。


在約瑟作奴隸的時,照聖經所記載講:「上帝及約相及佇的」,有上帝相及佇的,約瑟所做的代誌就逐項亨通。約瑟在波提乏手下上帝及他佇的,當被陷害坐監的時也是按呢(an-ni),當他見著法老的時,法老講「咱豈會尋著一個親像伊此個人,有上帝的神佇伊的內面嗎?」上帝及約瑟相及佇的這是別人看得出來的,波提乏看得出來,坐監的時管監的嘛看得(e)出來,見到法老時,法老更加看得出來。


當咱要選一個教會領袖的時陣,重要的不是他的學歷、口才、錢財、地位,尚重要的就是上帝及他相及佇的抑無,因為上帝及他佇的,咱著願意跟隨他,因為知他所行的路是佇上帝引導之下,不會走錯。咱應該家己想看麥,上帝有及咱佇的嘸?咱若尚未信耶穌,就無認識上帝,這個時陣就算上帝和咱佇的、和咱說話,咱嘛不知影。當咱信耶穌了後,上帝的聖神就會住佇咱的裡面,隨時願意引導咱,只是咱有常常順趁上帝的引導抑無?別人是不是看得(e)出來上帝及咱佇的?咱嘛可以想看麥,上帝有及咱教會的牧師、長老、執事、抑是教會中的什麼人相及佇的嘸,若有,這人就是值得咱跟隨的人。


上帝及約瑟佇的,給(ho)他凡事順利,也大大祝福他所作的事,咱一定真羨慕(him-bo)這種情形,盼望上帝及咱佇在,給(ho)咱凡事順利。只是佇凡事順利的時,他遇到主人的某引誘、陷害,致到他被關,坐監豈(kiam)嘛會算是凡事順利嗎?上帝及咱佇的時,咱豈會遇到不幸的代誌嗎?在約瑟身上咱看得真清楚,困苦的中間有上帝的引導,因為上帝有又卡(ko-kha)好的旨意要成(chia)


上帝為何特別及約瑟相及佇的呢?可以講這是上帝的旨意、上帝有權決定祂要憐憫、要施恩給誰;只是聖經嘛有講「上帝無聽有罪的人,獨獨人若敬拜上帝,來行伊的旨意,上帝就聽伊。」,又講「耶和華啊,是誰會寄腳佇你的布棚?是誰會徛(khia)起佇你的聖山?就是所行正直、所做公義、心內講誠實的人。」上帝絕對不是隨便找一個人就及他相及佇的,有上帝相及佇的的約瑟有多多值得咱學習的所在。


約瑟頭一項特點就是「伊是尊主作大的人」,當他給(ga)法老的酒政和廚房解釋他們的夢時,他講:「圓夢豈不是在佇上帝嗎?請恁給我講。」他替人解夢並不是要表現家己有多gau,是要榮耀上帝。他替法老解夢的時,嘛是按妮講「解夢並不是在佇我,上帝要將平安指示法老」,恩賜和才能不同款,恩賜是要榮耀上帝,才能是要表現家己,對約瑟的身上咱看見解夢是榮耀上帝的恩賜。另外一方面,當波提乏的某引誘約瑟、約瑟拒絕的時講:「我怎樣通行此個大歹,來得罪上帝?」約瑟不單單(kan-ta)要榮耀上帝,他知道家己時時刻刻攏在上帝的面前,愛尊上帝作大,不能得罪上帝。有時別人要引誘咱作歹,會給(ka)咱講:沒要緊、沒人會知。這是欺騙,因為講的人就知,上帝更加會知。特別是作領袖的人,更加要家己謹慎,隨時活在上帝的面前,尊主作大。當約瑟及兄弟相認的時,伊安慰兄弟說:「今(tan),呣免因為賣我到遮(chia)來憂悶、來家己怨恨。這是上帝差我代先恁來,因為欲保全生命」。因為尊主作大,他在家己的苦難中看見上帝的旨意。


約瑟第二個重要的態度就是「忠心」,這方面最大的表現就是「伊是值得信任的人」,我相信這嘛是因為上帝及伊佇的的緣故,人會相信伊不會走不對路。波提將一切所有的交(ho)約瑟管理,除了家己所食的物以外,別項所有的攏不知,表示他完全信任約瑟;管監者也是同款,「管監者就將監內所有的犯人攏交約瑟的手」、「見若約瑟手下的代誌,管監者一概無插(chhap)」,法老更加將全國攏交約瑟來管理。約瑟一定是值得信任的人,他的主人才會安心將所有的代誌攏交代他來做。


值得信任的人一定是忠心的人,主人所交代的代誌(dai-chi)攏作到真好,甚至超過主人的要求;值得信任的人也一定是「言行一致」的人,約瑟常常口中尊主作大,他也真正拒絕引誘,因為他不敢得罪上帝。假使約瑟嘴裡尊主作大,但是暗中卻(soa)及伊主人的某偷來暗去,真快就會被(hong)「看破腳手」,就無值得信任。當約瑟給酒政解夢,講到法老會使(ho)伊「親像前做法老的酒政一樣」的時,伊馬上求酒政講:「你若得志的時,著記念我,施恩互我,佇法老的面前替我講一聲,救我出此個監」,這表示他相信家己所講的一定會成,言行一致的人才值得別人信任。並且約瑟所講的話攏成真,更加使(ho)他會得著別人的信任。


咱來想看麥,咱家己豈是一個值得信任的人嗎?是忠心的人嗎?答應上帝、答應別人的代誌是不是攏會盡心盡力作到好?我是不是「言行一致」的人,或者是「講一套、作一套」的人呢?我講上帝的恩典真正好,我是不是欣慕會得到上帝的恩典?是不是常常因為上帝的救恩來歡喜快樂?還是通日憂悶呢?我認為教會應該彼此相疼,私底下是不是常常關心兄弟姊妹?抑是常常對人白賊、隨便批評人、怨恨人?無論是教會的領袖、抑(an)是家庭的父母攏著家己謹慎,因為咱的會友、咱的某子隨時攏在觀察咱的所行及所講有同款抑沒單單(kan-tan)出一支嘴的人絕對無值得信任。


咱是不是值得信任的人,並不是咱家己講就準算,必須完全對(tui)
人來認定,我的會友、某子是不是認為我是值得信任的人?咱嘛可以想看麥,教會裡面誰是值得咱信任的人?有可能他就是上帝會及他佇的、也是值得咱跟隨的人。
值得信任要對生活中的小事開始,親像咱及人約會盡量準時,這就會給人值得信任的感覺。當咱每一擺做到咱所答應的代誌、每一擺作正確選擇,就會增加別人對咱的信任。


約瑟第三個重要的態度是「伊是有疼心的人」,當他坐監的時,侍侯酒政和廚房,有一日他看見他們(in)面帶憂容,他就主動關心;當他替法老解夢後,他主動建議法老「著揀一個有聰明、有智慧的人,派伊治理埃及地」。其實這是「忠心」的表現,我相信一個忠心的人絕對不是單單(kan-ta)「盡到他的責任」就好,他還會主動關心別人的需要,且會想辦法將任務辦到好;關心人要把握機會,並不是等到我有閒的時陣來關心,真正有疼心的人是佇別人有需要的時,獻上家己的關心。



約瑟坐監的
時,他的苦難及冤情實在有夠大,他有真多理由來哀怨,他可以說他所遇著的攏不是他應該得的,攏是阿兄、主人的某害他的,但是我相信約瑟絕對無哀怨,從那裡
知影他無哀怨呢?一方面是主人對他的信任,我相信一個常常怨東怨西的人很難得著別人的信任,因為怨東怨西的人是在推卸責任給別人,甚至是將責任推給上帝,
這款人無法度給人信任。另外一方面,一個會
(gau)哀怨的人會感覺自己是全世界尚不幸的人,別人都應該關心他,他就無可能去關心別人,約瑟卻是主動關心別人的需要,可以證明他一定不是會哀怨的人。當咱開始會關心別人的需要時,才表示咱已經贏過臨到咱身上的苦難,咱也才開始在苦難中榮耀上帝。


其實當約瑟小漢的時,咱單單(kan-ta)看著他常常穿老爸送他的那領彩衣,嘛看到他將他阿兄的歹講給老爸知,我相信這時他的疼實在不夠額,因為聖經講「疼是遮蓋(jia-kham)多多(choe-choe)罪過」,咱的責任並不是將別人的歹所行四界講。同時,約瑟的阿兄對伊更加是沒疼心,因為他們怨妒他,這有可能是因為老爸偏心造成的,是怨妒的人絕對,怨妒就是願意看到別人變好、特別甘願看見別人比家己卡好。一個領袖若怨妒他所帶領的人、驚他們比家己卡厲害,親像掃羅王同款,上帝一定不會及他佇的咱每一個人攏是軟弱、有罪的人,咱的疼心嘛不夠額,嘛常常會怨妒別人,我攏需要上帝來改變咱的生命,咱信主了後,上帝賞賜咱新的活命,咱才有可能疼曾經傷害過咱的人。


約瑟的疼心嘛表現佇他的「不報復」,我常常在想,我若是約瑟,當我出頭天了後,我要向多少人報復呢?賣我的阿兄、陷害我坐監波提乏的某、是非不分的波提乏、甚至將我忘記的酒政,但是咱看到約瑟作埃及的宰相了後,他並無任何報復的行為。當他及兄弟相認的時,他講:「今(tan),毋免因為賣我到遮(chia)來憂悶、來家己怨恨。這是上帝差我代先恁來,因為欲保全生命。」他又講「上帝差我代先恁來,為著欲給(ga)恁留剩(chhun)的種族佇世上,閣欲行伊大的拯救,保全恁的活命。按呢看起來,差我到遮的毋是恁,就是上帝」約瑟真正將他的一生交託佇上帝的手,相信上帝的引導是好的。雖然別人對他是歹、但是上帝欲他的遭遇來成就美好的旨意。



領導者一定要有疼心,沒疼心的領導者會導出無疼心的團體,在沒疼心的團體內面,逐個人攏需要保護自己,因為不知影別人什麼時陣會陷害咱,這會使(ho)歸個團體受到真大的傷害,只有疼心會使(ho)咱結合起來。一般的領導者需要屬下敬畏他、驚他,但是約瑟並無需要他的阿兄驚伊、顛倒安慰他們,這種有疼心的領導者才會得到人真正的,願意全心來跟隨他。



在教會裡面什
麼人是領導者?牧師、長老、執事攏是教會重要的領導者,因為他們的影響卡大,未來咱教會要找新的牧師、要改選長老和執事,盼望上帝幫助咱不要看人的學歴、
地位、口才及錢財,選擇尊主作大、有忠心、有疼心的人,嘛盼望上帝及咱教會的領袖相及佇的。另外一方面,並不是牧師及長執才是教會的領導者,親像約瑟作奴
隸的時他就是領袖,咱每一個人攏是重要的領袖,因為咱逐人攏有影響力,咱應該想看麥,在教會裡面、我對別人會產生什麼影響?是單單給
(ho)人看見咱的軟弱、苦難、怨歎及相爭嗎?抑是幫助人看見上帝的榮光及恩典、鼓勵人更加認識上帝、服事上帝?


願咱每一個人攏會成作尊主作大、忠心、有疼心的人,無論是在婚姻的關係裡面,抑是在家庭、教會、工作,攏會得到上帝及咱相及佇的咱作伙來祈禱。


我是司布林(spring)啦!
回應 回應給此人 推薦文章 列印 加入我的文摘

引用
引用網址:http://city.udn.com/forum/trackback.jsp?no=52347&aid=1479630