網路城邦
回本城市首頁 香港館
市長:暘明  副市長:
加入本城市推薦本城市加入我的最愛訂閱最新文章
udn城市文學創作小說【香港館】城市/討論區/
討論區暢談區 字體:
上一個討論主題 回文章列表 下一個討論主題
去廁所學到的兩個教訓
 瀏覽435|回應0推薦0

暘明
等級:8
留言加入好友

每日中午吃完飯,就會去零碳天地(下稱「天地」)嘅廁所小個便,留下人生的點點滴滴。據天地的介紹,如廁後的污水和排泄物經過處理後,會循環再用,可以滋潤大地。


某日我如常去到天地放鬆身體,總算暫時未射歪對得準個尿兜,射左一輪就當然要洗下手,我唔似好多阿叔、阿伯輩,完事後連手都唔洗,真係好 dirty。我去到洗水盆,見到有位人兄大力唧洗手液,唧嘅力度頗大,驚死公家嘢唔唧就唔甘心。佢唧完後雙手快快脆搽勻,開完大用洗手液搽手真係正常到不得了啦,只係比較少見手未濕水就搽洗手液。我就話交低2両用水沖一沖雙手就算,環保又乾淨,唔使學果位人兄乾手搽洗手液,驚死雙手有細菌會殺死自己。


正當我打算伸手去水龍頭嘅時候,我見到果位沾滿洗手液嘅人兄的雙手喺水龍頭下面不斷前前後後來來回回,莫非佢真係習慣左呢種自我陶醉的動作,依家在公眾場合都亂來?雖然果位人兄不斷前後來回,可惜水龍頭並無水流出來。

我見果位人兄前嘅水龍頭無水出,就試下自己眼前嘅水龍頭,結果當然係無半滴水出啦。我見兩個水龍頭都無水,而果位人兄似乎一直唔信邪,雙手不斷重複前前後後來來回回,最衰我無留意佢的面部表情睇下佢係咪好興奮,反而好心講左句「無水呀!」

果位人兄如夢初醒,佢望住水龍頭上方嘅鏡,我真係唔明點解佢會望住塊鏡,然後大聲嗌咗一聲「大鑊!」

其實無水問題唔係太大,唔洗手行出去,學周星星同人握下手咪算囉,握完手當抺左佢又乾淨返,反正對方都唔知道你雙手有幾污糟。依家佢梗係大鑊啦,開完大無得水洗仲搽滿洗手液,成手洗手液同人握手,人地以為佢去廁所打大佬,留底啲漬搞到成手黐笠笠。

之後果位人兄衝左去隔離的育嬰室,我就去搵保安員了解一下狀況。保安姨姨話今日洗水缸成個天地停水。我望住自己雙手,望左好耐,好疑惑。突然覺得好耐未試過屙完尿唔洗手,覺得自己好污穢,真係好 dirty,成身唔舒服。我於是問左完全無乜用嘅問題,「點算好?」

保安姨姨笑笑口講,「入面有放左支水㗎」

既然無水,有支水沖下雙手都好。我印象中唔見有支水,無論點都好,我打算去廁所睇一睇係咪真係有支水,亦都走去查察不足睇下天地有無貼出溫馨提示。返到去檢查一下,發覺係畀保安姨姨老點嘅,同埋都無溫馨提示。依家啲人做嘢,真係揦篩到不得了,貼張溫馨提示都懶,搞到我無得洗手。

當我由廁所行出來時,果位乾手搽洗手液嘅人兄由育嬰室急急腳走左出來,我即刻望住佢,點解佢個樣神奇輕鬆,好似雙手已經畀佢整乾淨做嘅?我見到育嬰室嘅門慢慢閂埋,由於一時之間發生太多嘢,我又唔想入去育嬰室研究,淨係想提醒保安姨姨入面無樽裝水,亦都無溫馨提示。我行到去同保安姨姨前面,「入面無樽裝水喎」

「哦,原來無呀,我搵人搞下佢啦」

我又唔多忿氣隨便畀佢一句話就打發走人,於是又好偉大地提醒佢,「你地最好加啲提示啦,無水洗水好煩的」

「我睇睇」保安姨姨講完又打發我走。

我急住去搵地方洗手,當然唔係搵人握手,於是忘記去考究點解果位乾水搽洗手液的人兄去完育嬰室好似會變乾淨。我一直懷疑條友仔可能喺房入面周圍抺。呢個疑團,我一直無辦法了解清楚真相。

呢件事之後,我學到兩個教訓
一、千祈唔好乾手搽洗手液
二、千祈唔好喺廁所附近同人握手
回應 回應給此人 推薦文章 列印 加入我的文摘

引用
引用網址:http://city.udn.com/forum/trackback.jsp?no=50266&aid=5759153